Tu âs cirût la peraule
monolengâl
torne indaûr

monolengâl

dâ fûr loc.v.
Fâ jessî alc
sinonims
butâ, mandâ fûr, mandâ
esemplis
"la aria [...] jera plena de la umiditât che il gran al veva dât fûr"
gjavât fûr di "Il me paîs" di Federigo Comelli
dâ fûr loc.v.
Fâ vignî fûr une publicazion, un prodot e v.i.
esemplis
"al è un intervent impuartant parcè che al è il prin messaç indreçât a Pieri Pauli Pasolini, che al veve tacât in chei mês dal 1946 a dâ fûr il Stroligut de sô Academiute"
gjavât fûr di "Felix Marchi e il sium dal furlan-furlan" di Max Mauro
dâ fûr loc.v.
Fâ un sun o dî cun fuarce, cun enfasi, cun empit e v.i.
sinonims
dî fûr, dâ sù
esemplis
"fâ ogni sfuarç par no dâ fûr un sclop da ridi"
gjavât fûr di "Sot consei di vuere" di Giovanni Gortani
"lui al jere deventât blanc e al jere par dâ fûr intune vosade"
gjavât fûr di "Trê feminis" di Gianni Gregoricchio
dâ fûr loc.v.
Spudâ fûr pe bocje ce che si veve tal stomi
sinonims
gomitâ, rindi, fâ i purcituts, fâ stomi, restituî, rimeti, rindi fûr, butâ fûr
esemplis
""Al volarès bevi. Al dîs che al mûr di sêt; al è normâl daspò de duarmie, ma no si po contentâlu: al starès mâl, al darès fûr dut…""
gjavât fûr di "Tal ospedâl" di Amedeo Giacomini
dâ fûr loc.v.
Vendi o dâ alc a plui personis
esemplis
"il vinut che a dan fûr nol è cussì mâl, crodimi! Vûstu un blancut?"
gjavât fûr di "Donald dal Tiliment" di Stiefin Morat
"intant che il speziâr al deve fûr lis medisinis, al tosseve vonde dispès"
gjavât fûr di "Amîs come prime" di Alan Brusini
"Vigji Brustul [...] al à vût dit [...] che jo, se o ves un grignel di cussience, o varès di dâ fûr chei carantans che mi son vignûts cui sa dontri, ai puars proletaris dal paîs"
gjavât fûr di "Lis predicjis dal muini" di Josef Marchet
dâ fûr loc.v.
Paiâ
sinonims
paiâ, dâ, spudâ fûr, spiça fûr, tirâ fûr
esemplis
"l'è condanât Zanin / a dâ fûr un zechin, / a paiâ dans e spesis sul moment"
gjavât fûr di "Bolzan e la sô sagre" di Pieri Çorut
dâ fûr loc.v.
Saltâ fûr, vignî fûr
sinonims
vignî fûr, saltâ fûr, vignî
esemplis
"e si alce la lune, / lis stelis dan fûr; / content il mio cûr, / fedêl e costant, / al spiete l'amant"
gjavât fûr di "Pes gnocis Latis-Venture" di Pieri Çorut
"usâts a doprâ il fusîl di cuant che ur veve dât fûr la prime barbe"
gjavât fûr di "Il dolfin" di Carlo Sgorlon
"come torent, / che sglonfât des montanis tun moment, / sormontâts i ripârs, / par ogni bande / al da fûr pe campagne"
gjavât fûr di "Il nestri dolôr in muart dal Arcivescul Zacarie Bricito" di Pieri Çorut
dâ fûr loc.v.
Rivâ a fâ alc (ancje ass.)
sinonims
rivâ, rivâ adore, cumbinâ
esemplis
"al veve i siei doi fîs in vuere e no i dave fûr a lavorâ la tiare dome cu la femine e une frutate che al veve"
gjavât fûr di "I piavots, Titon e la spagnole" di Alviero Negro
torne sù